Миовски за малку асистент, Жирона убедлива против Осасуна (ВИДЕО)

Екипата на Жирона во првиот натпревар на Бојан Миовски како стартер славеше убедлива победа против Осасуна од 4:0.

Миовски се најде на теренот од првата до 64. минута и имаше солиден настап во кој беше често пати активен на теренот. Имаше македонскиот напаѓач и учество при постигнатиот втор гол на Жирона.

Во таа ситуација, Миовски ја уфрли топката од страната, а таа се одби од еден играч на Осасуна и дојде до Циганков кој ја смести во мрежата.

Преостанатите голови за Жирона беа дело на: Брајан Хил, Адел Руиз и Стуани кој влезе на местото на Миовски.