Македонскиот првак отпатува во Словачка за квалификацискиот меч во ЛШ

Македонскиот фудбалски шампион Струга Трим Љум ќе се судри со Слован Братислава во првото коло од квалификациите за Лигата на шампионите.

Фудбалерите на првакот веќе отпатуваа кон Словачка за утрешниот натпревар. Четата предводена од Ќатип Османи од аеродромот во Охрид летна кон Братислава и ќе има повеќе од 24 часа за последните подготовки.

Слован важи за апсолутен фаворит, меѓутоа Струга нема што да загуби и ќе оди да се надигрува во Братислава. Натпреварот меѓу Слован Братислава и Струга Трим Љум се игра во среда од 19:00.