УЕФА не го заборава Роналдо – ќе му додели специјално признание!

Eвропската фудбалска куќа на фудбалот (УЕФА) објави дека му додели посебно признание на Кристијано Роналдо за се што направи во изминатите години со играњето во Лигата на шампионите.

Признанието на Роналдо ќе му го додели претседателот Александар Чеферин во текот на ждребот за новата сезона во четврток во Монте Карло.

Роналдо е најдобриот стрелец во историјата на Лигата на шампионите со 140 гола, седум сезони завршуваше како најдобар стрелец во натпреварувањето, а во сезоната 2013/2014 постигна дури 17 голови што е најмногу за еден фудбалер во една сезона.

Шампионскиот трофеј во ова натпреварување Роналдо го освојуваше дури пет пати. Во 2008 година со Манчестер Јунајтед и во 2014, 2016, 2017 и 2018 со Реал Мадрид.