Спалети: Не сум им забранил плеј-стејшн на фудбалерите, дури и јас играм!

Селекторот на Италија, Лучано Спалети се најде во ситуација да се правда дека не им забранил на фудбалерите да играат плеј-стејшн.

„Не ми се верува дека треба да коментирам за ова, јас се грижам само за тоа тие да спијат навечер. Никогаш не сум рекол дека не може да играат плеј-стејшн, реков дека не можат да бидат будни до 3-4 после полноќ. Тоа се две различни работи“, објаснува Спалети.

„Сакам кога ќе се разбудат да бидат одморни за тренинг. Немам ништо против било какви игри, ние направивме соба за игри каде има два плеј-стејшна. Дури и јас одам таму да играм“.