По десет месеци суспензија: Се враќа Тонали!

Италијанецот Сандро Тонали одново ќе може да игра професионално фудбал откако му истече суспензијата за нелегално обложување.

Тонали беше суспендиран на десет месеци, а од викендов се враќа на терените. Италијанецот пред надлежните органи ја призна вината и одеше на лекување.

По посетата на рехабилитацијата Тонали одново ќе биде спремен да му помогне на Њукасл кој за него минатото лето му плати на Милан оштета од 70 милиони евра.

Њукасл викендов во недела од 14:30 часот ќе игра против Тотнем и Тонали ќе има право за настап во овој дуел.