Изминатата вечер со натпреварот помеѓу Аргентина и Канада започна Копа Америка.
Овој турнир може да биде и историски затоа што за првпат може да биде покажан розовиот картон кој е веќе ставен во функција.
„Освен петте стандардни измени ќе биде додадена и потенцијална шеста измена поради загриженост за здравјето на фудбалерите. Станува збор за измена која ќе може да се користи при повреда на главата или потрес на мозокот“, стои во соопштението кое го објави КОНЕМБОЛ.
Судијата ќе има право да утврди дали навистина станува збор за таква повреда и да одобри дополнтелна замена, а во тој момент би покажал и розов картон.
Исто така ова издание на Копа Америка е во заедничка организација на КОНМЕБОЛ и КОНКАКАФ и тоа значи турнир на Средна, Северна и Јужна Америка.