Португалскиот стратег Жозе Мурињо многу често се наоѓа во центарот на вниманието со своите интересни изјави, а тоа се случи повторно. Португалецот беше прашан кој според него е најдобар фудбалер во историјата на овој спорт.
Неговиот одговор беше во најмала рака изненадување. Мурињо ја одбра бразилската легенда Роналдо, како играч кој не го исполнил својот максимален потенцијал, но поседувал неверојатен талент.
„Кој е најдобар во историјата? Ако зборуваме стриктно за талент и знаење, никој не може да го надмине Роналдо Назарио. Повредите ја „убија“ неговата кариера која можеше да биде многу, многу подобра. Талентот кој го имаше тој како 19 годишно момче е неверојатен“, изјави Мурињо.
Кариерата на Роналдо се движеше преку Крузеиро и ПСВ до Барселона. Потоа направи трансфер во Интер, па Реал Мадрид, Милан и Коринтианс за крај на кариерата.