Мартинез си ја доби казната за „дивеењето“ во Колумбија

Аргентинскиот фудбалски сојуз соопшти дека од КОНМЕБОЛ добил допис за суспензија на два натпревари за голманот Емилијано Мартинез.

Контроверзниот чувар на мрежата на Астон Вила одново имаше еден од своите испади. По поразот на Аргентинците од Колумбија, Мартинез при заминувањето ја удри камерата која го снимаше среде терен.

Иако не е образложено зошто, јасно е дека суспензијата е поради таквото однесување на голманот.

Инаку ова не е првпат Емилијано Мартинез да прави глупости. Тој имаше непримерни гестови по освојувањето на Светското првенство во Катар, а слично направи и летово со трофејот на Копа Америка.