Фудбалскиот клуб Барселона напорно работи за да обезбеди услови да го доведе Нико Вилијамс. Младиот Шпанец блесна играјќи за репрезентацијата на Европското првенство, а тоа добро го запази каталонскиот гигант кој „загриза“ за неговиот потпис.
Проблемот е што Барселона не смее да троши, па на разни начини се собираат пари за трансферот на Вилијамс. Дури се споменува и потенцијално земање на кредит за да се купи крилото.
Доколку го обезбедат неговиот потпис во Барселона, првиот тим би изгледал навистина моќно и полетно. Ханси Флик ќе има „главоболки“ ако се комплетира и трансферот на Вилијамс, секако позитивни.
Како би изгледала Барселона со Вилијамс:
Тер Штеген; Жил Кунде, Пау Кубарси, Андреас Кристенсен, Алехандро Балде; Илкај Гундоган, Педри, Фермин Лопез; Ламин Јамал, Роберт Левандовски, Нико Вилијамс;
Во тимот по повредата со сигурност би се вратил и Роналд Араухо, а од клупа има квалитетни опции како Рафиња, Феран Торес, Ансу Фати…