Жоао Невеш веднаш дебитираше, ПСЖ одигра само реми со Штурм

Фудбалерите на ПСЖ одиграа нерешени 2-2 против екипата на Штурм Грац на пријателски натпревар кој се одигра во австрискиот град Клагенфурт.

„Светците“ отворија одлично на овој меч. Уште во деветтата минута Мбаје стрела за 0-1, а на 0-2 само три минути подоцна успеа да удвои Карлос Солер. Сепак, бргу потоа Штурм преку Камара се врати резултатски во игра.

Пред крајот на полувремето Китеишвили успеа да го матира новајлијата Сафонов и на пауза се замина со 2-2.

Во вториот дел темпото на игра опадна, имаше доста измени на двете страни и мрежите мируваа. Деби за новиот клуб имаше Жоао Невеш. Португалецот за 60 милиони евра го засили ПСЖ пред само неколку денови.