Пеп Гвардиола не штедеше пофалби за Ерлинг Халанд откако напаѓачот постигна хет-трик на втор натпревар во низа.
Во третото коло од Премиер лигата, Сити го победи Вест Хем со 3:1, а одличниот норвешки напаѓач беше стрелец на сите три гола на средбата.
„Ерлинг е незапирилив. Не постои стопер кој може да го запре, ниту со пиштол. Толку е незапирлив, сите тоа го знаат. Оваа сезона ја унапреди својата игра во сите сегменти. По тренингот останува дополнителни 20 минути или половина час. Минатата сезона тоа не го правеше. Среќни сме поради хет-трикот, меѓутоа беше вклучен и во играта, не изгуби ниту една топка и одигра неверојатно, како одбранбено така и без топка. Навистина сум презадоволен“, изјави Пеп по натпреварот.
Во следното коло Манчестер Сити го чека натпревар на домашен терен против Брентфорд.