Влијанието на Фабрегас е големо, Комо е на пат да ангажира уште една ѕвезда

Комо откако ги финализираше преговорите со Рафаел Варан, тргнува по колумбијската ѕвезда, Хамес Родригез кој имаше одличен настап на Копа Америка.

Колумбија стигна до финалето на Копа Америка, а Хамес Родригез речиси на секој меч за неговата репрезентација беше прогласуван за играч на натпреварот.

Во меѓувреме Колумбиецот го раскина договорот со Сао Паоло и изрази желба да се врати во Европа.

Тренерот на Комо, Сеск Фабрегас кој гради тим за Серија А, ја виде шансата да го донесе Хамес во својот клуб и наводно веќе го убедува да потпише.

На проектот на Фабрегас ова лето се приклучија ѕвезди како Белоти, Реина, Морено, а договорен е и Варан кој наскоро треба да го потпише договорот.