Вардар се засили со фудбалер на Беса

Екипата на Вардар утрово потврди ново засилување во своите редови. Во клубот пристигнува Јасмин Мециновиќ кој го носеше дресот на Беса Добридол.

Мециновиќ одбранбен фудбалер кој има 33 години и во Македонија досега настапуваше за екипите на: Скопје, Македонија Ѓорче Петров, Ренова, Пелистер и Струга, додека интернационалната кариера ја градеше во: Шериф Тираспол (Молдавија), Сонгдал (Норвешка), Егри и Ломбард Папа (Унгарија), Банатс (Ерменија), Рудар Плевља, Подгорица (Црна Гора), Трепча, Феризај (Косово), Мелака(Малезија) и Нејмех (Либан).

Исто така собра и 13 настапи за младинската репрезентација на Македонија.