Брера во Брегалница пронајде наследник на голманот Алчевски

Екипата на Брера Струмица денеска го претстави наследникот на голманот Марко Алчевски кој се пресели во редовите на израелскиот Хапоел Ерусалим.

Нов голман на Брера е Мартин Давков кој пристигнува од Брегалница.

„Мартин Давков од Штип ќе биде член на голманскиот таандем на нашиот тим за новата сезона. Давков кој лани беше чувар на мрежата на Брегалница Штип се сели во Струмица и веќе се приклучи на сениорите во подготвителниот процес“, потврди Брера.

Давков во кариерата освен за Брегалница бранеше уште и за Тиквеш и Пехчево. Во последната сезона собра 21 натпревар за штипскиот тим.