Аталанта продолжи да победува и се израмни со Интер (ВИДЕО)

Аталанта не дозволи изненадување и вечерва славеше победа над Парма (1:3) со која се израмни на врвот на табнелата со Интер.

Тргна Аталанта офанзивно од самиот старт и по само четири минути игра преку Ретегуи стигна до водство. Лукман во деветата минута ја затресе мрежата, но тој гол беше поништен поради недозволена позиција.

Едерсон пред крајот на првиот дел постигна гол со кој сепак обезбеди водство од 0:2 за гостите.

Со почетокот на второто полувреме, Парма успеа да го намали водството, но до крајот Лукман ги постави конечните 1:3.