Кристијано Роналдо изненади голем дел од фудбалската јавност кога кон крајот на 2022 година го напушти европскиот фудбал и се пресели во Саудиска Арабија.
Португалецот го носи дресот на Ал Наср каде што заработува 200 милиони евра по сезона и досега за овој тим одигра 76 натпревари, но поголем тимски успех се уште нема.
„Изгуби веќе девет титули во Саудиска Арабија“; пишува „АС“ откако поранешната ѕвезда на Реал Мадрид промаши пенал во 96. минута со кој можеше да обезбеди продолженија.
Натпреварот заврши 1:0, а Ал Наср доживеа елиминација во осминафиналето.
„Проклетството продолжува“, се додава во текстот и се наведува дека ова било „деветто разочарување“ откако пристигнал во клубот.
Натпреварувања кои Роналдо не ги освои со Ал Наср:
Првенство (2022/23, 2023/24)
Азиска лига на шампиони (2023/24)
Куп (2022/23, 2023/24, 2024/25)
Суперкуп на Саудиска Арабија (2022, 2023, 2024)