Новинарот Пако Гонзалез објасни зошто е невозможно Бруно Фернандеш да се пресели во Реал Мадрид во зделка вредна 90 милиони фунти, вели дека Флорентино Перез никогаш нема да плати ваква сума за 30 годишен фудбалер.
Изминатиов викенд се појавија гласини кои велеа дека Реал Мадрид праќа скаути на речиси секој натпревар на Манчестер јунајтед и го следи Бруно Фернандеш, кој е идентификуван како замена за Лука Модриќ.
Се шпекулираше со зделка од 90 милиони фунти, но новинарот Пако Гонзалез вели дека ова е практично невозможно.
„Во Англија беше објавено дека Реал Мадрид го сака Бруно Фернандеш и ќе понуди 90 милиони евра. Бруно е навистина добар фудбалер, но има 30 години. И Реал Мадрид да плати 90 милиони за него… Знам какви се калкулации прави Флорентино Перез во својата глава, дека секое засилување мора да се исплати и дека во главен фокус се младите играчи, па ако го земам сето ова во предвид, би рекол дека зделкава е практично невозможна“ – вели Пако Гонзалез.
„Може да биде ангажиран само по еден услов – да дојде беспари. Само беспари може Бруно да потпише со Реал, нема шанси да бидат платени 90 милиони фунти“.
Во меѓувреме, тренерот на Манчестер јунајтед, Рубен Аморим порача дека тие немаат намера да му дозволат на Португалецот да го напушти Олд Трафорд.