Во летниот преоден рок Челси се обиде да го купи Фермин Лопез од Барселона, но на крајот трансферот не се случи.
Во овој период фудбалерот не сакаше многу да зборува за евентуалниот трансфер, молчеше, па никој не знаеше каков е неговиот став. Сега откако заврши се, тој проговори.
„Мојот приоритет отсекогаш беше да бидам во Барса. Пристигнав кога имав 12 години, мојот сон беше да останам тука, да заиграм во првиот тим. Секогаш е комплимент кога има интерес од други клубови, но вистината е дека отсекогаш имав идеја да останам во Барса и да можам да успеам тука. Многу е важно, бидејќи отсекогаш се борев да бидам тука, да играм за Барса. Знаете, во фудбалот никогаш не се знае и има работи што не зависат од нас, но мојот приоритет отсекогаш бил Барса“, рече Фермин.