Палермо годинава игра во второлигашкото друштво на
Италија, во Серија Б, тимот остана речиси истиот како во ланската сезона, а
моментално по седум одиграни натпревари тимот од Сицилија е на делба на првото
место на табелата заедно со Фросиноне, Перуџа и Авелино со по 13 бодови.
Илија Несторовски добро ја започна сезоната, досега
постигна четири погодоци од вкупно деветте на тимот кој засега се уште нема
пораз во лигата, но газдата на клубот, Маурицио Зампарини се чини дека не е
задоволен од досегашното издание на Александар Трајковски, кој во пет
натпревари постигна еден погодок.
„Среќен сум како игра дефанзивата и фудбалерите од
средниот ред, но ни недостасуваат погодоци, мислам дека можеме да се подобриме
во таа фаза. Фудбалерот од кого многу очекувам, а засега не допринесе доволно,
односно наликува како да има оценка нула, ако не го сметаме првиот натпревар,
тоа е Трајковски, се надевам дека ќе можам да го вратам Трајковски три години порано,
засега има скромен допринос…“ вели Зампарини.
Извор: mediagol.it