За инат на Роналдо: Фофана се врати од Саудиска Арабија и ќе игра во Франција!

Многу фудбалери се решаваат да прават трансфери од Европа во Саудиска Арабија поради огромните плати, а ретки се оние кои ода во контра правец.

Таков е случајот на Секо Фофана, кој од редовите на Ал Наср се враќа во француското првенство и ќе заигра за Рен. 29-годишникот потпиша договор со францускиот клуб и по една година се врати во својата земја.

Фофана оваа сезона ја мина на позајмица во Ал Итифак, а претходно играше за Фулам, Бастија, Удинезе и Ленс.

Интересен е потегот на Фофана кој доаѓа од Саудиска Арабија во Франција непосредно по коментарите на Кристијано Роналдо за тоа дека тамошната лига е посилна од Лига 1. И тоа баш Фофана се сели од клубот во кој настапува Португалецот…