Поранешниот напаѓач на Арсенал, Карлос Вела е последниот во низата спортисти на кои им настрада куќата во големите пожари кои го погодија Лос Анџелес.
Сопругата на Вела откри дека нивната вила во Малибу од четири милиони евра која се простира на 5.121 квадратни метри изгорела во пожарите кои направија пустош во богатото предградие на Лос Анџелес, Палисадес.
Во поѓарите кои започнаа на 7 јануари настрадале најмалку десет луѓе, а уништени се илјадници домови, додека над 130.000 жители мораа да бидат евакуирани.
Ex-Arsenal star Carlos Vela's £3.3m Malibu home destroyed in LA fires as his wife shares emotional update https://t.co/W805Za3TJd
— Mail Sport (@MailSport) January 10, 2025
„Нашиот прекрасен дом во Малибу изгоре вчера. Се уште сме во шок од се што се случи. Многу е тажно и застрашувачки да гледаш как осе гори. На сите пораки за загрижност, одговорам дека сме на сигурно. Ви испраќам многу љубов на сите погодени и се надевам дека наскоро огнот ќе биде изгаснат“, објави сопругата на Вела, Саио Канибано на Инстаграм.
Вела во овој момент се уште е член на екипата на Лос Анџелес. Неговата вила располагала со спа, мултимедијална соба, три апартмани за гости, пет купатила, голема кујна, дневна соба, вински подрум, базен…