„Во Италија се игра праисториски фудбал“

Де Лаурентис е импресиониран од мечот меѓу Манчестер Сити – Тотнем и го споредува со фудбалот во Италија.

„Мечот меѓу Манчестер Сити и Тотнем отвори нов свет за мене. Си реков: „Ова е фудбал. Италија е место за праисториски фудбал“. Се чини дека ние во Италија не знаеме да се забавуваме играјќи. Тој дуел од ЛШ е нешто неповторливо. Во Италија ние се криеме зад тактиката“, вели Де Лаурентис.

Неговиот Наполи последен ја бранеше честа на Италија, но синоќа испадна од Лига Европа откако беше поразен од Арсенал.