Раководството на Челси е задоволно од Мареска, сметаат дека конечно го најдоа вистинскиот тренер

На почетокот од оваа сезона Челси покажува ново лице, особено на последните натпревари на кои не само што победува туку тоа го прави и доминантно.

По шест одиграни кола Челси е на четвртото место со само два бода помалку од лидерот Ливерпул и еден помалку од Манчестер Сити и Арсенал.

Се чини дека Енцо Мареска ги среди работите во тимот, донесе нова енергија и знаење и Челси почна да игра како што посакуваат навивачите.

Информациите од Англија велат дека раководството на Челси е многу задоволно од тоа како Мареска се справува со работите и ова веројатно е најдобриот момент откако клубот го преземаа американските сопственици.

Во Челси конечно чувствуваат дека стануваат кандидати за освојување на титули.