Ливерпул и
Манчестер Сити се борат за титулата во Премиерлигата и сигурно драмата ќе трае
до последното коло. Токму двајца играчи од овие клубови, Вирџил ван Дајк и
Рахим Стерлинг пак се посочуваат како главни кандидати за престижната
индивидуална награда Играч на годината.
Никој не сака да
види како големиот ривал се радува, но и покрај тоа Вирџил ван Дајк реши да
покаже класа и својот глас го даде токму за Рахим Стерлинг, кој има фантастична сезона. Самиот фудбалер на
Манчестер Сити не можеше да поверува кога му го кажаа ова.
Двајцата играчи
разговараа со БТ Спорт, а кога дојде редот на Англичанецот, на прашањето за
кого гласал, тој рече: „Не паметам, мислам дека гласав за Хари Кејн“.
Кога новинарот му
посочи дека Ван Дајк гласал за него, Стерлиг со зачуден израз на лицето рече:
„Нема шанси“. Потоа со насмевка на лицето, сметајќи дека новинарот се мајтапи,
додаде: „Не го вели тоа“.
Но потоа
новинарот му објасни дека разговарал со Вирџил и тој самиот му го потврдил тоа,
а Стерлинг одговори: „Оф леле“.
На крајот новинорот посочи дека ќе биде интересно доколку Рахим Стерлинг стигне до наградата со само еден глас повеќе од Вирџил ван Дајк.
Virgil van Dijk and Raheem Sterling are the runaway favourites for the PFA awards.
But who did they pick as their player of the year?
Find out their votes below. pic.twitter.com/RwigmutSnm
— Football on BT Sport (@btsportfootball) April 9, 2019