Арсен Венгер го
коментираше слабото издание на неговиот веќе поранешен фудбалер Алекс-Окслејд
Чемберлејн против Ливерпул на гостински терен, каде Арсенал забележа дебакл и
беше поразен убедливо со 4-0.
Мечот на „Енфилд“
се одигра само четири дена пред крајот на преодниот рок за трансфери ова лето,
па кај Венгер постои сомневање дека Чемберлејн бил со мислите во Ливерпул, а не
на тој натпревар каде беше еден од најслабите поединци на тимот, а притоа беше
заменет во 62. Минута при 3-0 за домаќините.
„Дури и за време на
натпреварите размислувате на овие теми, дали фудбалерите се јасни во своите
намери. Дали ќе бидат во или вон комбинација, дали ќе бидат целосно подготвени,
дали ќе бидат половично… Дали утрото пред натпреварот разговарале со одредени
луѓе кои сакаат да ги земат од тимот и слично“ вели Венгер.
„Не сте толку
наивни да мислите дека тоа е невозможно. Дали биле врбувани? Секако, но на
денот на натпреварот? Се надевам дека не е така, но тоа не е неизбежно“ додаде
тој.
„Франција играше
против Холандија на последниот ден од преодниот рок. Дали мислите дека ниту
еден француски или холандски фудбалер не добил телефонски повик утрото за
преселба во некој клуб? Не сум наивен да мислам дека не е така…“ истакна Венгер.
„Доколку јас сум
фудбалер, можам да го дадам максимумот од себе на еден натпревар, дури и
Ливерпул да е во мојата глава“ рече долгогодишниот тренер на Топчиите.
„Сите фудбалски
менаџери мораат да ја сфатат нашата работа, работата на клубовите генерално,
сите мораат да се согласат на тоа дека откако ќе започне сезоната не треба да
ги загрозуваат интересите на клубовите, затоа ова треба да се реши пред да
почне сезоната“ заврши Венгер во својот коментар, осврнувајќи се и на последната одлука на
Премиерлигата во однос на тоа преодниот рок за клубовите во овој шампионат да
завршува на 9 август, за таа одлука гласаше и Арсенал, а познато е кој се спротиставил на оваа идеја.