Поранешниот напаѓач на Манчестер јунајтед, Вејн Руни смета дека овој состав на „ѓаволите“ нема капацитет за големи дострели и вели дека „клоца“ треба да добијат 10 до 15 фудбалери.
Клубот од Олд Трафорд има очајна сезона, ниту промената на тренерот и пристигнувањето на Рубен Аморим не донесоа подобрување на резултатите.
Вејн Руни смета дека главен проблем е играчкиот кадар и смета дека овој состав нема капацитет за големи дострели.
Запрашан дали овој тим може да ги врати „ѓаволите“ на победнички патеки, поранешниот напаѓач вели: „Не, мислам дека можат. Ми делуваат изгубено и исплашено“.
Тој потоа рече дека само двајца фудбалери вредат да бидат задржани (Бруно Фернандеш и Коби Мејно), и „клоца“ треба да добијат 10 до 15 играчи.
„Бруно е тој кој постојано прикажува добри партии, да знае од време на време да ве изнервира, но прикажува добри партии“.
„Потребни се огромни промени во составот. Мислам дека 10 до 15 фудбалери треба да го напуштат клубот. Очигледно е дека ова не може да се направи. Не ми се допаѓа тоа што има менталитет каде никој не презема одговорност. Владее култура каде е премногу лесно да се изгуби и играчите само велат, „Одиме на следниот натпревар“ и некои такви глупости. Напротив, треба да покажат карактер, треба да гинат на теренот“.