Напаѓачот на Реал Мадрид, Родриго откри како на клупата бил проследен контроверзниот пенал на Хулијан Алварез кој беше поништен со ВАР поради тоа што напаѓачот на Атлетико Мадрид два пати ја допре топката.
Атлетико Мадрид со 1-0 го совлада Реал Мадрид, но тоа не беше доволно за избраниците на Диего Симеоне да продолжат во Лигата на шампиони.
Пенал серијата го реши патникот во четвртфинале, а таму „кралевите“ се радуваа откако беа поумешни од своите градски ривали.
Актуелниот шампион на Европа имаше и среќа откако беше поништениот голот на Хулијан Алварез откако со помош на ВАР беше утврдено дека напаѓачот на Атлетико Мадрид два пати ја допре топката.
Одлуката на судиите покрена голема дебата и контроверзија, а Родриго откри како на клупата на Реал Мадрид бил проследен овој момент.
„Многу беше чуден начинот на кој топката доби правец, се чинеше дека Алварез ја допре два пати. Ги гледавме пеналите и на екран, и луѓето веднаш почнаа да довикуваат, „Два допири, два допири“. Му извршивме притисок на судијата, па почнаа проверки со ВАР и очигледно имаше два допири“ – вели Бразилецот.
„Искрено, никогаш не сум видел нешто вакво“.