Фудбалерите на Реал Мадрид синоќа славеа убедлива победа над Манчестер сити со 3-0, а хет-трикот на Федерико Валверде го одбележа натпреварот. Меѓутоа, во дуелот се истакна и голманот Тибо Куртоа.
Белгиецот имаше неколку фантастични интервенции, особено во 75. минута кога одбрани шут од близина на Ница О’Рејли. Но освен тоа успеа да запише и асистенција за првиот гол на Реал, кога од својот шеснаесетникмајсторски ја испрати топката до Валверде, а Уругваецот матираше Џанлуиџи Донарума.
Особено интересно е што ова беше втора асистенција на Куртоа во Лигата на шампионите оваа сезона. Претходно, во лигашкиот дел од сезоната асистираше и против Кајрат, тогаш од својот простор успеа да го пронајде Килијан Мбапе.
Courtois’s two assists this season are both contenders for the UEFA Champions League Assist of the Season. 😭pic.twitter.com/iS4zQpM9yE
— 10 (@Kylian) March 11, 2026