„Vavel“ за Енис Барди: Македонецот е ѕвезда број еден во Леванте (ФОТО)

Интернационалниот спортски весник „Vavel“ со специјално издание за 22 годишниот македонски интернационалец од редовите на шпанскиот прволигаш Леванте, Енис Барди.

„Македонскиот фудбалер кој игра на средината од теренот е
моментално ѕвезда број еден во Леванте и добива одлични коментари по секој меч“
пишува истиот медиум притоа додаде и неколку пофалби за тоа како се адаптирал
нашиот интернационалец во Примера.

„Македонецот се развива перфектно, тој не само што
постигнува голови, туку и има способност да го предводи тимот, воедно и да го
организира, да упатува одлични асистенции за своите соиграчи и да биде голема
опасност во противничката половина“ додава „Vavel“.

Барди засега има осум настапи за тимот каде премина ова
лето, а забележа и три погодоци, шанса за ново одлично издание Македонецот ќе
бара на гостувањето кај Еибар во недела, во рамките на десеттото коло од
Примера.

Извор: vavel.com