Вардар ги почна подготовките за новата сезона

Вардарци денеска на тренинг кампот во Хиподром, го одработија првиот тренинг од подготовките за новата сезона.

На првата прозивка отсуствуваа неколку фудбалери. Филип Гачевски, Стефан Спировски, Џамбул Џигаури, Дамир Којашевиќ, Тигран Барсегјан имаат дополнителен одмор поради репрезентативните настапи. Додека наскоро се очекува пристигнување на Бразилците Џонатан Боарето и Хуан Фелипе.

Екипата во Скопје ќе тренира до недела кога ќе замине на подготовките во Австрија.