Ван Бисака го уценува Манчестер јунајтед, бара „ѓаволите“ да му платат милионска сума за да си оди

Арон Ван Бисака нема намера лесно да го напушти Олд Трафорд, бара од Манчестер јунајтед да му плати 7 милиони фунти за да направи трансфер во Вест Хем.

Вест Хем пројави сериозен интерес за ангажман на Арон Ван Бисака, преговорите бележеа добар прогес, но последните информации велат дека зделката е во ќор сокак.

Проблемите настанале кога Арон Ван Бисака побарал од Манчестер јунајтед да му плати 7 милиони фунти за да направи трансфер во редовите на „чеканите“.

Десниот бек практично ги уценува „ѓаволите“ и им порачува дека нема ништо против да чека една година и потоа следното лето како слободен агент да замине беспари од Олд Трафорд.

Па доколку Манчестер јунајтед сака нешто да заработи ова лето, ќе мора да му исплати 7 милиони фунти.