Фудбалерите на Јувентус стигнаа до победа од 1-0 против Џенова во рамките на 30. коло на италијанската Серија А.
„Старата дама“ на дебито на Игор Тудор успешно тргна во новиот предизвик. Резултатот беше отворен во 25. минута со погодокот на Кенан Јилдиз кој по соло акција реализира за 1-0. Пех за домашните беше повредата на Федерико Гати кој многу рано беше заменет.
Во продолжението од средбата вистинските шанси изостанаа, Јувентус одигра рутински и го затвори натпреварот.
Јувентус стигна до 55 бода и по две кола пак победи во калчото, додека Џенова има 35 на дванаесеттото место.
