Клаудио Раниери очигледно промени многу работи во Рома од неговото доаѓање и ги помести границите на очекувањата.
Рома со него на клупата е најдобриот италијански тим во 2025 година и тим кој од вториот дел на табелата дојде во ситуација да се надева и на Лигата на шампионите.
Последниот пораз Рома го доживеа на 15 декември и од тогаш е „волчицата“ има учинок од осум победи и четири нерешени натпревари.
Исто така на добар пат се да се пласираат и во четвртфиналето од Лига Европа бидејќи во првиот натпревар го победија Атлетик Билбао со 2-1.
Сето тоа придонесе управата на Рома да сака да го задржи Раниери и наредната сезона на „Олимпико“ како тренер.
Ќе потсетиме, Раниери се врати од пензија и во ноември ја презема Рома. Првичниот план беше да го води тимот до крајот на сезоната и да пронајде негов наследник, а потоа да преземе директорска позиција во клубот.
Но, по ваквите резултати неговиот договор како тренер кој има важност до јуни 2025 година многу лесно може да биде и продолжен.