484
Минатата недела, Порто приреди големо изненадување откако обезбеди 3-2 на гостувањето кај Јувентус и благодарејќи на гол во гости се пласираше во четвртфинале од Лигата на шампиони.
УЕФА сега на социјалните мрежи сподели интересна конверзација помеѓу добрите пријатели Кристијано Роналдо и Пепе.
Додека дефанзивецот добиваше лекарска помош, Кристијано Роналдо му рече: „Играј! Ќе победам и тоа ќе победам со тебе на терен. Ќе победам, со тебе на терен“.
Видеото за кратко време стана вирално и собра преку милион лајкови. ЦР7 го исполни ветувањето и победи, но Пепе беше тој кој се радуваше на крајот.