Македонските фудбалери играа без респект кон големиот противник, во речиси сите сегменти од играта бевме и подобар тим, но во она најважното, головите поминавме очајно лошо.
Резултатот не е одраз на случувањата на теренот, момците на Благоја Милевски можат да бидат горди на овој натпревар иако бројките кои ќе бидат запишани ќе изгледаат поинаку.
Македонија тргна одлично, имавме сериозна иницијатива на почеток и со удари од далечина на Велковски и Бабунски први нападнавме.
Но, Шпанија во својата посериозна шанса поведе, Саул Нигез во 10. минута биеше прекрасно со ножички, топката отскокна пред Алексовски и заврши во неговата мрежа.
Седум минути подоцна Асенсио постигна уште поубав гол, биеше од далечина точно во аголот на Алексоски за водство на Шпанија од 2-0.
Македонија преку Велкоски имаше одлична шанса да намали, но Аризабалага го одбрани неговиот удар.
Неколку минути подоцна, следуваше нов гол за Шпанија, Гаја нафрли, топката го удри Бејтулаи во рака и судијата покажа на белата точка. Делофеу беше прецизен за предност од 3-0.
До крајот на првиот дел имавме уште неколку шанси за гол преку Радески, Ангелов и Николов, но не успеавме.
Во вториот дел слична слика, Македонија имаше шанси, Шпанија мајсторски реализираше полнејќи ја мрежата на Алексовски.
Течеше 54. минута кога Асенсио со својот втор гол на натпреварот зголеми на убедливи 4-0.
Три минути подоцна Македонија ја имаше и најубавата шанса на мечот, Давид Бабунски ја погоди пречката од голот на Шпанија.
Во 72. минута Асенсио со уште едно ремек дело комплетираше хет-трик и ги постави конечните 5-0.
Saúl Ñíguez Goal Spain U21 1-0 FYR Macedonia…by enteritament
2-0 Marco Asensio Super Goal HD – Spain U21 vs…by wc2018
Gerard Deulofeu (Penalty) Goal HD – Spain U21 3…by taftadarka2016
Marco Asensio GOAL HD – Spain U21 4-0 FYR…by 87taras
Marco Asensio Hat-trick Goal HD – Spain U21 5-0…by hoofoot4
Македонија со убедлив пораз го почна историскиот настап на Европското првенство, но тоа не треба да ги разочарува избраниците на Благоја Милевски кои покажаа голема пожртвуваност, самодоверба, желба за надигрување против силниот противник.
Следниот меч на Македонија е на 20. јуни во вторник кога противник ни е селекцијата на Србија, тој натпревар го играме од 18 часот.
Македонија: Алексовски, Зајков, Барди, Николов, Радески, Бабунски (Костадинов), Велкоски, Бејтулаи, Маркоски (Ѓорѓев) , Ангелов (Елмас) и Демири.
Шпанија: Аризабалага, Бељерин, Гаја, Мере, Ваљехо, Деулофеу (Себаљос), Њигез, Суарез, Асенсио (Оарзабал), Рамирез (Вилијамс) и Љоренте.
Стрелци: Нигез (10. мин), Асенсио (16. мин), Делофеу (35. мин), Асенсио (54. мин), Асенсио (72. мин).