Убедлив пораз на Вардар на првиот контролен натпревар во Анталија

Лидерот во Првата македонска фудбалска лига, тимот на Вардар, со убедлив пораз ги почна подготвителните натпревари во Анталија, црвено-црните со 2-6 беа поразени од Јаболнец.

Чешкиот тим по првото полувреме водеше со 4-0, а во вториот дел направија предност и од 6-0. Потоа следуваа двата гола на Вардар кои малку го ублажија поразот.

Погодоците за Вардар ги постигнаа Ибрахим Олаосебикан и Диего Кастанеда.

Следен пријателски меч на Вардар е против Андијон од Узбекистан, тој дуел се игра на 20 јануари.