Шампионот Шкендија реди киксови во новата сезона, по двата порази во првите две кола денеска одигра реми на свој терен против Македонија Ѓорче Петров.
И двата гола беа постигнати во финишот од првото полувреме, гостите од Ѓорче Петров поведоа преку Едуардо, а Бејтуали изедначи на 1-1. Шкендија со еден освоен бод е на претпоследното место на табелата.
Академија Пандев е лидер со седум бода. Пандевци денеска го совладаа Борец со 2-0 со головите на Дориев и Танушев.
Интересно беше на мечот меѓу Шкупи и Ренова каде домаќините со гол во 90. минута дојдоа до бод. Мечот заврши 2-2. По два гола постигнаа Јурина и Селмани.
Три бода освои Струга ТЛ откако го совлада Силекс со 2-1. Кировски даде два гола за домаќините, Грозданоски погоди за кратовскиот тим.
Фото: ФК Шкендија