Три клубови ќе делат пари од трансферот вреден 50 милиони евра на Калафиори во Арсенал

По долги преговори, Рикардо Калафиори синоќа беше потврден како нов фудбалер на Арсенал, се шпекулира дека зделката е вредна околу 50 милиони евра и три клубови ќе делат пари.

Заврши трансфер сагата на Рикардо Калафиори, дефанзивецот вчера се обврза кон Арсенал на пет години.

Преговорите траеа подолго време, проблем беше тоа што пари од трансферот чекаа и Базел и Рома.

Како што пренесува Скај Италија, зделката е вредна 50 милиони евра, а најголем дел од колачот ќе добие Болоња, односно околу 27 милиони евра.

На Базел ќе му бидат префрлни 13,8 милиони евра, а Рома ќе добие околу 9,2 милиони евра.