Тренерот на Реал Сосиедад, Иманол има забелешки на судењето од вчерашниот куп натпревар против Реал Мадрид.
Тоа беше спектакуларен меч кој во регуларниот тек заврши со 4-3 за Сосиедад, вкупно со реваншот беше 4-4, па се играа продолженија во кои Реал Мадрид даде уште еден гол и се пласираше во финале.
Иманол смета дека Реал Мадрид се пласирал во финале поради судиска помош.
„Пред голот, односно корнерот од кој беше постигнат голот, имаше офсајд од Мбапе што судиите не го досудија. Реал Мадрид е голем клуб и не му треба судиска помош. Сигурен сум дека ако имаше ваква ситуација за нас, голот немаше да биде признат“, смета Иманол.
Спорниот момент се случи пред да биде изведен корнерот, па ВАР не можеше да реагира во ваква ситуација, но прекинот немаше да се случи доколку судијата досудеше офсајд.