Трансферот на Вокер ќе значи крај на авантурата за едно од летните засилувања на Милан!?

Галатасарај опипува терен за ангажман на Емерсон од Милан, иднината на десниот бек на Сан Сиро е под знак прашалник поради пристигнувањето на Кајл Вокер.

Милан ги финализира преговорите за ангажман на Кајл Вокер, десниот бек би требало да пристигне во Милано во вторник или среда на лекарски прегледи.

Една ваква зделка може да значи крај на авантурата на Сан Сиро за Емерсон.

Бразилецот, кој пристигна пред само шест месеци, е мета на Галатасарај и гигантот од Турција веќе опипал терен за еден ваков трансфер.

Преговорите со Милан се во тек, и големи се шансите Емерсон овој месец да си ги спасува куферите и да се пресели во Истанбул.