Трансфер бомба во Истанбул: Фенербахче и украде големо засилување на Галатасарај

Фенербахче попладнево соопшти дека го договорил Милан Шкрињар од ПСЖ, дефанзивецот претходно силно се поврзуваше со преселба во Галатасарај.

Фенербахче му зададе голем удар на лутиот ривал Галатасарај, попладнево соопшти дека е договорен Милан Шкрињар од ПСЖ.

Дефанзивецот вчера се најавуваше како засилување за Галатасарај, актуелниот шампион на Турција имаше подготвено приватен авион за да го донесе Милан Шкрињар во Истанбул на лекарски прегледи.

Сепак, Фенербахче се замеша во последен миг, даде подобри финансиски услови и успеа да го украде дефанзивецот, кој ќе биде второ големо засилување за Жозе Мурињо оваа недела.