Трансфер бомба на Њукасл во финишот од преодниот рок, се подготвува рекордна зделка

Њукасл не се откажува од намерата да го ангажира Марк Геи од Кристал Палас, последните информации велат дека двата клуба се блиску до договор за трансфер вреден околу 70 милиони фунти.

Њукасл би можел да го собори сопствениот трансфер рекорд во последните денови од летниот преоден рок.

Клубот од Сент Џејмс Парк не се откажува од намерата да го ангажира Марк Геи од Кристал Палас и вчера во вечерните часови била одржана нова рунда преговори помеѓу двата клуба.

„Орлите“ веќе одбија четири понуди, но Њукасл на маса сега ќе стави пакет вреден околу 70 милиони фунти и се верува дека оваа сума ќе биде доволна за реализирање на зделката.