362
Владата на Саудиска Арабија одлучи богато да ги награди своите фудбалери по изборениот пласман на Светското првенство во 2026 година. Секој играч, како и целиот стручен штаб, ќе добие по 5 милиони саудиски ријали, односно околу 1,15 милион евра за успехот и билетот за Мундијалот кој следното лето ќе се одржи во Мексико, Канада и САД.
Одлуката ја соопшти министерот за спорт Абдулазиз бин Турки Ал-Фајсал, кој потврди дека наградите ќе бидат исплатени најдоцна 30 дена по завршувањето на квалификациите.
Саудиска Арабија пласманот го обезбеди во последното коло од азиските квалификации, одигрувајќи без голови против Ирак, со што трет пат по ред ќе биде дел од најголемиот светски фудбалски собир.