Тинејџерот на Арсенал постигна гол против Албанија и испиша историја (ВИДЕО)

Младата англиска ѕвезда, Мајлс Луис-Скели вечерва против Албанија постави нов рекорд.

Скели во првото полувреме ја доведе Англија во водство, а со тој гол стана и најмладиот стрелец за „Гордиот Албион“ на своето деби.

Рекордот пред него го држеше Маркус Рашфорд кој против Австралија во 2016 година дебитираше со гол на 18 години и 209 дена. Скели во листата на стрелци во својот прв натпревар успеа да се запише на 18 години и 176 дена.

Исто така овој гол беше и прв од доаѓањето на Томас Тухел за местото селектор на Англија по заминувањето на Герет Саутгејт.