Францускиот дефанзивец, Тео Ернандез денеска и официјално беше претставен во редовите на Ал Хилал, а на претставувањето не штедеше критики за актуелното раководство на Милан.
Ернандез очигледно смета дека раководството на клубот од „Сан Сиро“ е виновно што тој не останал.
„Мојата одлука да заминам не беше лесна. Секогаш сакав да останам, Милан ми беше приоритет, но за жал таму сега работите зависат од една личност. Насоката во која оди клубот и некои одлуки од неодамна не ја одразуваат вредноста, ниту амбицијата која ме доведе тука. Дојде моментот да затворам едно поглавје. Заминувам со крената глава бидејќи секогаш давав се одд себе на теренот. Искрено се надевам дека Милан ќе дојде на местото на кое што треба да биде. Форца Милан засекогаш“, порача Ернандез меѓу другото на промоцијата.
Од неговото доаѓање Ернандез за Милан собра вкупно 262 натпревари и постигна 34 гола.