Таткото и агентот на Мората на средба со Реал, но „Кралевите“ не попуштаат

Алваро Мората е желба на Жозе Мурињо, медиумите во неколку наврати пишуваа дека напаѓачот е на чекор до преселба на Олд Трафорд но се уште нема напредок во преговорите.

Самиот играч го прекина медениот месец во обид да ги забрза преговорите, а попладнево канцелариите на Сантијаго Бернабеу ги посетија неговиот агент, Хуанме Лопез и неговиот татко Алфонсо.

Според АС, состанокот траел околу 50 минути и на маса била понудата од Манчестер јунајтед.

Се верува дека Алваро Мората веќе се има договорено со „Црвните Ѓаволи“, но двата клуба сеуште не можат да пронајдат заеднички јазик за висината на обесштетувањето.

Реал Мадрид бара преку 80 милиони евра за Алваро Мората, но Манчестер јунајтед не е подготвен да ја плати оваа сума.