Поранешниот англиски репрезентативец Андрос Таусенд ќе ја продолжи својата фудбалска кариера во далечниот Тајланд, каде што потпиша договор со клубот Канчанбури Пауер, тим што ќе биде негов 16-ти во досегашната кариера.
Таусенд на Островот посебно ќе остане запаметен по прекрасниот гол со волеј што го постигна против Манчестер сити во сезоната 2018/2019 носејќи го дресот на Кристал палас. Сега, нов предизвик за 33-годишниот офанзивец ќе биде Тајланд, каде ќе ги брани боите на клубот кој е формиран пред само осум години, а сезонава за првпат ќе настапува во елитната лига на оваа земја.
Токму поради тоа, од Канчанбури одлучиле амбициозно да се засилат и да донесат звучно име со богато искуство. Таусенд, во својата репрезентативна кариера, запиша и 13 настапи за „Гордиот Албион“ во кои постигна три гола.
🇹🇷 Turkey 🛫 Thailand 🇹🇭
— Match of the Day (@BBCMOTD) August 4, 2025
Andros Townsend has joined Thai side Kanchanaburi Power ✍️ pic.twitter.com/muE7lj1tco