Капитенот на ФК Партизан, голманот АЛександар Јовановиќ вчера беше малтретиран, легнат на под од полицијата која ја обезбедуваше салата на ракометниот меч против АЕК.
Вчера требаше да се одигра мечот од четвртфиналето од ЕХФ Европскиот куп меѓу ракометните екипи на Партизан и АЕК, но поради дивеењето на домашните навивачи, не се одржа.
Тензично беше и пред салата, на удар на полицијата беше голманот на Партизан, Александар Јовановиќ кој неочекувано се најде на удар на полицијата од засега непознати причини.
Тој беше соборен на земја, а тоа дополнително го предизвика револтот кај останатите навивачи на Партизан кои чекаа да влезат во салата.
— Partizan.net (@PartizanNet) March 30, 2025
Капитен Партизана је од стране полиције прво одвучен, а потом и оборен на земљу!!!!#partizan #fkpartizan #rkpartizan #grobari pic.twitter.com/RiwWZecNXo
Голманот подоцна заедно со својот адвокат поднел тужба поради прекумерна сила на полицијата. Се шпекулира дека Јовановиќ е на удар на полицијата бидејќи јавно им даде поддршка на студентите кои веќе со месеци протестираат низ цела Србија.
Со соопштение за целиот случај се огласи и ФК Партизан.
„Капитенот на фудбалскиот клуб Партизан и репрезентативецот на Србија, Александар Јовановиќ, во својство на граѓанин, беше во полициската страница да пријави прекумерна употреба на сила од страна на органите на редот по инцидентот кој се случи околу 18 часот на влезот во СЦ „Вождовац“. Во изјавата која ја даде во присуство на својот адвокат, Александар Јовановиќ истакна дека на влезот во салата каде отишол да го поддржи ракометниот клуб Партизан во реванш четвртфиналниот меч од Евро Купот против грчкиот АЕК, бил запрен од страна на полициските службеници, и во ескалацијата која потоа се случила, како што може да се види на снимките кои се појавија во јавноста, Јовановиќ во еден момент се најде на подот. Фудбалскиот клуб Партизан бара од надлежните органи да спроведат итна и ефикасна истрага со цел во најкраток можен рок да ги добиеме сите релевантни информации и објаснувања во врска со овој немил настан. Истовремено доколку се утврди дека во интервенцијата органите на редот ги пречекориле своите овластувања или не постапила во склад со правилата и законот, очекуваме дека учесниците во инцидентот ќе бидат соодветно санкционирани“, стои во соопштението на Партизан.
Ja sam snimio cijeli klip,evo ko zeli da vidi. #fkp #kkp #rkp pic.twitter.com/sRfEHp5ytV
— zdmp (@zola1970ghn) March 30, 2025