Суперагентот Жорж Мендеш синоќа имаше средба со Жоан Лапорта и Деко во Лисабон, главна тема на средбата била иднината на Ламин Јамал.
Во ресторан во Лисанон, доцна синоќа се одржа средба помеѓу претседателот на Барселона, Жоан Лапорта, спортскиот директор Деко, суперагентот Жорж Мендеш и луѓе од агенцијата Гестифуте.
Се говори дека главна тема била иднината на Ламин Јамал, кој наскоро треба да стави потпис на нов договор.
„Состанокот помина добро, Ламин Јамал ќе го обнови договорот со Барселона“ – изјави Жорж Мендеш пред новинарите кои чекаа изјава.
„Веќе го знаете ова, но ако треба ќе го повторам истото и 50 пати. Ламин Јамал ќе ја продолжи соработката со Барса, односите се клубот се многу добри“.
Двете страни од претходно имаат договорено под кои услови ќе се продолжи соработката кога напаѓачот ќе наполни 18 години.
Запрашан дали Ламин Јамал ќе стане најплатениот фудбалер на Барселона со новиот договор, Жорж Мендеш кратко порача: „Работите за кои дискутиравме, ќе останат помеѓу нас“.
Имаше гласини дека една од темите на разговор била и иднината на Ансу Фати, како и можноста Барселона да го ангажира Рафаел Леао од Милан.
„Разговаравме само за Ламин Јамал“ – одговори Жорж Мендеш.