Спортскиот
директор на Палермо, кој оваа сезона се натпреварува во второлигашкото друштво
на Италија, Фабио Лупо во изјава за тамошните медиуми упати големи пофалби за
нашиот напаѓач Илија Несторовски, за кого истакна дека на клубот му подал
голема рака, а тоа е обврска на Палермо истото да го награди и испочитува.
„Несторовски?
Можам слободно да кажам дека неговата волја беше да остане во тимот, никогаш не
пријави амбиции да си замине, тоа беше исклучително важно за нас како клуб.
Желбата да замине фудбалер од одреден клуб мислам дека не е спорна, тоа е
легитимно право на секој фудбалер, таква е оваа професија, но Илија секогаш
беше одговорен за дресот на овој клуб. Тоа е момче кое е пресреќно овде, тој ни
подаде една голема рака на нас како клуб, а ние мораме да го цениме и
почитуваме тоа“ изјави Фабио Лупо.
Во објавата
пишува дека Несторовски иако имал безброј понуди од поголеми екипи во Европа,
никогаш не ни помислил на заминување од Палермо.
Ланската сезона
Несторовски со 11 гола беше прв стрелец на Палермо, но не успеа да го спаси
својот клуб од испаѓање од елитата во Калчолигата.
Извор: mediagol.it